«Kavkaz» kiriş noqtasında paromlı keçitte aydavcılar işğal etilgen Qırımğa barğan paromğa nevbetsiz keçmege istegen Rusiye Devlet Dumasınıñ deputatınıñ maşinasını avdardılar.
Bunı Qırım «Nazirler Şurası»nıñ toplaşuında öz başına tayin etilgen baş nazir Sergey Aksönov bildirdi, – dep haber ete Qırımnıñ öz başına ilân etilgen akimiyetiniñ «ruporı» Krıminform saytı.
Bunı izaatlap, Aksönov adamlarnıñ areketlerini aqladı.
«İç bir vazife ve şeadetnameler işniñ adaletli baqılmasına tesir etemez. Bu adise iş nasıl olmaq kerekligini köstere: yañlaşısıñız – cevap beriñiz», – dedi Aksönov.
Onıñ sözlerine köre, bu ziddiyet Rusiye deputatlarına keçitniñ işini bir tertipke ketirmege siltem bermeli.
«Eñ adaletli mahkeme – vatandaşlar resmiy şahıslarnıñ faaliyetine qıymet kesken vaqıtta ola. Bir kimse riayet etilecek qaidelerni rusça añlamay? İnsanlar anda 40 saatlernen tura, deputatlar federal nazirlikler ile işni de bir tertipke ketirmeli»,– dedi Aksönov.
Belli olğanı kibi, avgust 12 künü Yekâne naqliye müdirliginiñ malümatına köre, «Kavkaz» limanında 1390 maşina tura edi.
