Link açıqlığı

Ukraina içki işler nazirligi: Putinniñ Qırım ziyareti maqbül olmağan bir şeydir


Ukraina çetel işler nazirligi Rusiye prezidenti Vladimir Putinniñ ve Rusiye Devlet Duması deputatlarnıñ Rusiye Federatsiyası tarafından işğal etilgen Qırımnı ziyaret etmek niyetlerini mümkün olmağan bir şey olaraq tanıy.

Bunı brifingde çetel işler naziriniñ muavini Daniil Lubkovskiy bildirdi, – dep haber ete «Krımskiye novosti».

«Mümkün degil. Qırımnı qanunsız sürette işğal ettiler. Anda Rusiye Federatsâisı yolbaşçılığınıñ bulunuvı maqbul degildir, bu ukrain çetel işler nazirliginiñ qattı mevamıdır», – dedi Daniil Lubkovskiy.

İşğal etilgen Qırımda avgust 14 künü Rusiye prezidenti Vladimir Putin Rusiye parlamenti azaları ve nazirlerniñ ögünde çıqışta bulunacaq.

Ziyaret devamında Putin Yalta ve Aqyarğa baracaq. Mında o, medeniyet erbapları ve yolbaşçılıq ile körüşecek.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG