Rusiye baş naziri Dmitriy Medvedev «Maşuk-2014» Şimaliy-Kavkaz gençlik forumına kelip, Qırım haristasına «Qırım bizimki» dep yazdı.
İTAR-TASS agentliginiñ malümаtına köre, bu sene kün tertibine sport ğalebeleri (olimpik, paralimpik, hokkey), Ğalebeniñ 70 yıllıq yubileyiniñ azırlığı, medeniyet ve ekologiya meseleleri kirsetildi.
Ayırıca Qırım işğali ile bağlı mesele baqıldı.
«Ziyaretniñ soñ noqtası «qırım meydançığı» oldı. Faaliyetçiler Dmitriy Medvedevge numayış «Tuvğan limanğa hoş keldiñiz» ya da «Tuvğan topraqqa qol uzat» serlevanı taşığanını bildirdiler. «Er kes kele, toquna, Qırım bizimki olğanını duya», – dedi forumnıñ iştirakçilerinden biri», – dep yaza neşir.
Soñra Dmitriy Medvedevge markerni berdiler ve o haritada imzanı qaldırdı. «Qırım bizimki», – dep yazdı o.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.
