Link açıqlığı

Adnan Süyen adına caminiñ ög tarafına levhanı astılar


Qırımnıñ İslâm-Terek rayonınıñ Küleç Meçit köyünde qurulayatqan caminiñ ögüne Türkiyeniñ Bursa şeerindeki Qırımtatarlarnıñ medeniyet ve qarşılıqlı yardım Cemiyeti tarafından ediye etilgen levha asıldı.

Bunı Qırım Musulmanları diniy idaresiniñ matbuat hızmeti bildire.

Levhada cami Qırımtatarlarnıñ medeniyet ve qarşılıqlı yardım Cemiyetiniñ sabıq reisi Adnan Süyen adına qurulğanı bildirile.

Bursada qırımtatarlarnıñ diasporası adından işbu levhanı Küleç Meçit müminlerine Kefe ve İslâm-Terek rayonlarınıñ baş imamı Nariman Köroğlu taqdim etti.

Belli olğanı kibi, leyhanıñ maliyeviy destegi Türkiyeniñ Bursa şeerindeki Qırımtatarlarnıñ medeniyet ve qarşılıqlı yardım Cemiyeti tarafından kösterile edi. Caminiñ qurucılığı 2013 senesi dekabr ayında 2014 senesi yanvar5 künü vefat etken Adnan Süyenniñ teşebbüsi ile başlağan edi. Qırım musulmanları diniy idaresi camini, hatıra olaraq, Adnan Süyenniñ adına açmağa qarar aldı.

Caminiñ açılış tedbiri 2014 senesi oktâbr ayında olmaq kerek.

XS
SM
MD
LG