Link açıqlığı

İşğal etilgen Qırımda ukrain tili ocalarına rus tilini ögretmege teklif eteler


Al-azırda Qırımda rus tilini ögretmege istegen ukrain tili ocaları mütenasip saatlerni yañı oquv yılından alacaq, dep bildirdi Qırımnıñ «tasil, ilim ve gençlik naziriniñ muavini» Natalya Jurba, dep haber ete KİA.

«Ukrain tili ocaları bu sene rus tilini ögretmege başlasın dep, olarnıñ azırlanuvına mahsus para ayırıldı. Dersler avgustnıñ ortasından başlanacaq», – dedi Jurba.

Bunıñ ile o şunı bildirdi ki, Qırımda ukrain tilli mektep ve sınıflarnıñ sayısı eksilmeycek ve vatandaşlarnıñ istegi nazarğa alınacaq. Bundan da ğayrı, yaqında federal dersliklerni ukrain ve qırımtatar tiline tercime etmege başlaycaqlar. Kelecek sene talebeler bu kibi kitaplarnı elde ete bilecekler.

«Maarif» neşiriniñ prezident muavini İrina Kuznetsova qayd etti ki, tercime etilgen derslikler başta mahsus teşkerüvden keçirilmek kerek eken.

XS
SM
MD
LG