«Kiyevstar» ukrain operatorı Aqmescit merkezinde Samokiş soqağında artıq binanı kirağa almay. Binanıñ vitrinasında «Kira» levhası asıla.
Qırım.Aqiqatta şirkette añlatqanları kibi, bu vaziyet kira müddetiniñ bitmesinen bağlı, onı uzatmağa ise imkân yoq.
«İşbu binanıñ saipleri degilmiz. Binanıñ kira müddeti bitti, uzatmağa ise imkân yoq. Bildirgenimiz kibi, Qırımda grivna ile ödevni yapmağa fırsat olmağanı sebebinden, qıyınlıqlar peyda ola»,– deyler «Kiyevstar»da.
Faqat mobil operatornıñ serlevası ile levhaçıq binada alâ daa asıla.
Avgust 11 künü işğal etilgen Qırım «Kiyevstar» bağından marum qaldı. Şirkette qayd etilgeni kibi, Aqmescitte yerleşken «Kiyevstar» ofisine silâlı insanlar sürip kirdi ve anda öz donatuvnı qurmağa başladılar.
