Qırımnıñ öz başına tayin etilgen baş naziri Sergey Aksönov «Nazirler Şurasında» olıp keçken toplaşuv devamında Qırımnıñ Federal migratsion hızmetine pasportlarnıñ berüvini saylavlarğace bitirmege avale etti.
Bunı Qırım «akimiyeti»niñ matbuat hızmeti bildire.
«Bizde saylav kampaniyası ve sentâbr 14 künü – saylavlar, şunıñ içün pasportlarnıñ berüvini bitirmege kerek», – dedi Aksönov.
Onıñ sözlerine köre, saylavlarğa qadar pasportlarda olğan bütün hatalarnı tüzetmek kerek.
Qırımnıñ Federal migratsion hızmetiniñ idaresi yolbaşçısınıñ vazifelerini eda etken Pötr Yaroş bildirdi ki, Qırımda endi 1,384 mln Rusiye pasportı berildi, zaruriy miqdardan 93%.
Yaroşnnı sözlerine köre, künde Qırımda Rusiye Federatsiyasınıñ 4 biñden 6 biñge qadar pasportı berile.
