Link açıqlığı

Rusiye qanunları sebebinden işğal etilgen Qırımnı din adаmları terk ete


Türkiye din adamlarnıñ ekseriyeti Rusiye tarafından işğal etilgen Qırımnı Rusiye qanunlarınıñ hususiyeti sebebinden terk ete. Olarğa köre, çetel vatandaşları içün missionerlik faaliyeti yasaq etile.

QHA agentliginiñ malümatına köre, yarımadada çoq yıllar devamında İslâm ocaları Qırımda Türkiye Cumhuriyetiniñ din işleri boyunca İdare leyhası boyunca faaliyet alıp bara ediler.

Qırımda Türkiye işleri boyunca idare tesisçisi Mevlüd Seyhan şunı bildire ki, din adamlarnıñ çoqusı Qırımnı terk etmege mecbur, çünki Qırımda yaşamağa imkân bergen malümat kâğıtlarınıñ müddetini uzatıp olamadılar.

Neşirniñ malümatına kore, Qırımda tek beş oca qaldı.

«Belki de, leyhanıñ müddeti uzanır ve ocalar qaytıp olurlar»,– tahmin ete Mevlüd Seyhan.

Qırım musulmanları Müftisiniñ muavini Esadullah Bairov aytqanı kibi, Qırımda Türkiye Cumhuriyetiniñ din işleri boyunca İdare leyhası boyunca faaliyetni İslâm ocaları artıq alıp baralmaz, çünki Rusiye qanunlarına köre, «diger memleketniñ vatandaşı missionerlik faaliyeti ile oğraşıp olamaz».

«Er bir oca oturuv izini bitkeninen Qırımdan çıqa ve artıq qaytıp olamaz. Olar musafir olaraq kele ve yalıñız keñeşçi vazifesini eda ete bileler. İdarelerde de çalışmağa imkânları bar, amma missionerlik faaliyeti ile oğraşıp olamazlar», – dedi Bairov.

Onıñ fikrince, Qırımda Türkiye ocalarnıñ bulunuvı devlet seviyesinde baqılmalı – Türkiye ve Rusiye nazirlikleri seviyesinde.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG