Link açıqlığı

Saatnıñ esas haberi

Matbuat vastaları: Qırımda Rusiye akimiyetiniñ kütleviy desantnı ve Putinniñ toyğun lafını vade eteler


Rusiye Prezidenti Vladimir Putin
Rusiye Prezidenti Vladimir Putin

Rusiye Federatsiyası tarafından işğal etilgen Qırımda avgust 14 künü Rusiye prezidenti Vladimir Putin Rusiye parlamenti azaları ve nazirler ögünde «toyğun lafı» ile çıqışta bulunacaq.

Bunı Rusiye prezidentiniñ matbuat kâtibi Dmitriy Peskov bildirdi, – dep haber ete RİA Novosti.

Memurnıñ sözlerine köre, söz içki siyaset ve kelecek saylavlar aqta ola bile.

«Bir qaç aftadan soñ içki siyaset mevsiminiñ canlı başlanması olacaq. Kün tertibinde bu mesele köterilecegi tahmin etile», – dedi Dmitriy Peskov.

O şunı da ayttı ki, ziyaret devamında Putin Yalta ve Aqyarğa baracaq. Mında o, medeniyet erbapları ve yolbaşçılıq ile körüşecek.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG