Kendi tecribemden ayta bilem, qırımtatarlarğa nisbeten menfiy davranğan adamlar, «ayırı memnüniyet» ile olarnı «tatarlar» dep, adlandıralar. «Qırım» sözün qoşmaylar. «Qırımtatar», dep yazğanda ise, defis qullanalar.
Belki de, bu kibi şekilde, halqnı Qırımdan ayırmağa isteyler – şu yerde millet belli bir qabileler esasında şekillengen. Ya da «beklenilmegen musafirler» aqqında añlamlarnı daa ziyade pekitmege isteyler.
Qırımnıñ tamır halqı içün ise, «qırımtatar» sözünde birinci yerde yerde «qırım» qısımı tura.
Bu halqnıñ vekilleri özara biri-birini «qırımlı» dep adlağanları da nafile degil. Soñki Qurultayda da, vekiller, «qırımtatar» etnonimniñ «qırımlı» sözüne deñiştirilüvine bağışlanğan muzakereler de boşuna degil. Bunıñ yardımınen, millet temsilcileri tuvğan topraqnen olğan köbek bağını canlandırmağa isteyler.
Men qol tutqan bu teşebbüs faqat desteklenmedi, amma, o, qırımtatarlarnı daa ziyade añlamaq ve tamırlarını qabul etmege yardım eter edi.
Amma, bu da yaramay degil. Rusiye Federatsiyası resmiyleştirgen «qırımtatar» sözü, kene de integrativ vazifesini eda etip, özünde Qırımda çeşit yılları ve asırları yaşağan tavr, skif, yunan, got, ceneviz, noğay ve diger qabile - halqlarnı birleştire.
Belki de, «tatarlar» etnonimi añlaşılmamazlıqlar da doğura, ve bazı «mütehassıslar» onı öz faydasına qullanıp, qırımtatarlarnı qırımlı yunanlarnıñ mirasçıları «urumlarğa» qarşı qoyalar ya da qazan tatarlarınen birleştirip, bir millet yasaylar.
Qırımlılar öz evinde bulunalar, onıñ içün keçmişnen bağlı kendi baqışları ve kelecekke planları yıllar keçtikçe artacaq.
Sergey Kostinskiy, qırımlı siyasiy konsultant
«Bloglar» rubrikasında bildirilgen tüşünceler müelliflerniñ noqtai nazarını bildirip, muarririyetnen aynı olmaması mümkün