Link açıqlığı

Qırımda Ukraina Prezidentiniñ Daimiy Temsilcisiniñ sabıq muavini İbraim Mamutov Moskvada vefat etti


Qırımda Ukraina Prezidentiniñ Daimiy Temsilcisiniñ sabıq muavini İbraim Mamutov Moskvada hastalıq neticesinde vefat etti.

Bunı Qırım.Aqiqat mühbirine qırımtatar milliy Meclisinde bildirdiler.

Cenaze merasimi 2014 senesi avgust 12 künü Aqmescitniñ Bavurçı mikrorayonında keçirilecek. İbraim Mamutov yaqında 51 yaşını toldurdı.

İbraim Mamutov 1963 senesi iyül 28 künü Özbek SSR Andijan şeerinde dünyağa keldi. 1989 senesi Samarqandda V.V. Kuybışev adına aliy oquv yurtını, 2006 senesi Odessadaki Devlet idare Milliy akademiyasınıñ devlet idare regional institutını bitirdi.

Qırım işğalinden evel Qırım Muhtar Cumhuriyetinde Ukraina Prezidentiniñ Daimiy Temsilcisiniñ muavini olaraq çalışa edi.

İbraim Mamutovnı Ukraina Prezidentiniñ Daimiy Temsilcisiniñ muavini vazifesinden Ukraina prezidenti vazifelerini eda etken Oleksandr Turçinov 2014 senesi aprel 15 künü boşattı.

«Ukraina Anayasasınıñ 112-nci maddesine binayen avale etem: İbraim Mamutovnı Ukraina Prezidentiniñ Daimiy Temsilcisiniñ muavini vazifesinden boşatmaq», – denile edi emirde. Sebepler belli degil.

XS
SM
MD
LG