Link açıqlığı

«Kiyevstar» ukrain operatornıñ ofis binasını bеlgisiz şahıslar zapt etti.

Bunı şirketniñ matbuat-hızmeti bildire.

«Bazarertesi künü Aqmescitte yerleşken AO «Kiyevstar» ofisine silâlı insanlar kirip, şirket hadimleriniñ ögünde telekom-donatuvğa kendi techizatnı qurmağa başladı», – dep bildire İnterfaks-Ukraina.

Mında şunı da qayd etitler ki, «Kiyevstar», müşterilerniñ haber havfsızlığını, hadimlerniñ fizikiy telükesizligini ve ağnıñ bütünligini tüşünip, Qırımda bağ hızmetini vaqtınca toqtatmağa mecbur.

Bu vaziyet aqta şirket Ukraina bağ ve haber idare boyunca Milliy komissiyasına bildirdi ve yapılacaq areketleri aqqında malümat bekley.

Qırım.Aqiqat saytına şunı ayttılar ki, operator avgust 11 kününiñ aqşamına qadar bağnı pekitecek ola.

«Yüz bergen meseleni bugün saat 18:00-gece yoq etmege tırışırmız. Amma yapıp olurmız, yoqmı, belli degil», – dep añlatalar call merkezde.

Evel bildirilgeni kibi, «Kiyevstar» mobil operatorı qırım müşterilerine vaqtınca hızmet berüvni toqtattı.

XS
SM
MD
LG