Qırım «akimiyeti» Rosselhoznadzorğa yarımdağa ketirüvi yasaq etilmegen ukrain süt mahsulatınıñ cedvelini arttırmağa ricada bulundı.
Bunı jurnalistlerge bazarertesi künü, avgust 11-de, Qırımnıñ öz başına tayin etilgen baş naziri Sergey Aksönov bildirdi, dep haber ete İnterfaks-Ukraina.
«Qırım içün ayırı leyha olmalı. Rosselhoznadzorğa Ukraina istisalcılarına yarımadağa süt mahsulatını ketirmege izin berilmesi aqta mektüpler yolanıldı», – dedi Aksönov.
Rusiye iyül 28 kününden Ukrainadan süt mahsulatınıñ ketirüvini yasaq etti.
Aynı zamanda Qırım «baş nazir muavini» Nikolay Yanaki iyül 30 künü şunı bildirdi ki, işbu yasaq süt mahsulatınıñ 11 büyük istisalcısına tarqatılmay eken.
Qırımlılar keçken afta Youtube ağında süt paketlerinden suv tökülgenini köstergen video peyda oldı.
