Link açıqlığı

Bu raatlıq künleri Youtube-de Ukraina gimni yanğırağan toydan video aşkâr etildi.

«Qırımda toy» serlevalı video avgust 10 künü peyda oldı. Mında musafirler quvanç ile Ukraina gimnini icra eteler.

Qırım Rusiye tarafından işğal etilgeninden soñ, yarımadada Ukraina aqqında hatırlatqan er bir şey tarik olaraq tanıla ve yasaq etile.

Misal içün, Aqmescitte yerleşken qırımtatar milliy Meclisi binası üzerinde yelpiregen Ukraina bayrağı ile bağlı zidditeler bir qaç kere yüz bere edi. İyül 15 künü şeer yolbaşçılığı binasında Ukraina bayrağını tiklegen Yalta sakinini ise militsiya yaqaldı.

XS
SM
MD
LG