Maydanda tahminen saat 12:00 Mihaylovskaya soqağı tarafından köpçeklerni yaqıp başladılar. Lâkin kiyevliler ve yanğıncılar yanğınnı tez-tez söndürdiler, dep haber ete Azatlıq Radiosı.
Maydannıñ şimdiki sakinleri ve Maydannı temizlemege kelgen Kiyev sakinleri ve faalleri arasında çatışma yüz berdi. Belgisiz bir insan Molotov qarışmasını atqan eken.
Cumaertesi künü, avgustnıñ 9-da, kiyevliler, kommunal hızmetçiler, cemaat faalleri Maydannı temizlemege, Kreşçatik soqağını ve oña yaqın soqaqlarnı barrikadalardan boşatmağa keldiler. Kiyev şeer yolbaşçısı Vitaliy Kliçko da aktsiyağa qoşuldı ve Maydan sakinlerinen muzakereler keçirdi.
