İşğal etilgen Yaltada qızdıruv mevsimniñ başlanmasına bir qazannı tamirlemege ve daa eki qazannı satın alıp, işletmege vade eteler.
Bunı matbuat konferentsiyası devamında Yalta şeer başı vazifelerini eda etken Sergey Karnauh bildirdi.
Onıñ sözlerine köre, «Yalta olacaq qış suvuqlığına yahşı azırlandı». Sergey Karnauh bildirdi ki, qış azırlığı çerçivesinde bir qaç mesken evniñ damı ve bir evniñ energoteminlev tertibatı tamirlenecek.
«Qızdıruv mevsimi ğayet yüksek derecede keçer», – dep vade etti Yalta şeer başı vazifelerini eda etken Sergey Karnauh.
