Link açıqlığı

İşğal etilgen Yaltada Şeer kününi içkisiz ve dua ile qayd etecekler


Yaltada şu künleri qayd etilecek Şeer kününi havfsızlıq qaideleri boyunca keçirecekler. Bunı Yalta şeer başı vazifelerini eda etken Sergey Karnauh bildirdi.

Onıñ sözlerine köre, şeer akimiyeti «bayram tek mündericeli degil de, mında iştirak etecek er bir insannıñ havfsızlığı tarafından oñaytlı olması içün» qolundan kelgenini yapacaq.

Sergey Karnauh şunı bildirdi ki, Şeer künü çerçivesinde kilselerde Yalta şüretine hızmetler keçirilecek.

«Yaltağa acele çezilmesini talap etken problemler rastkelgen vaqıtta imanım maña yardım etti. O bizge qasevetimizni yoq etmege yardım etti. Künlerniñ birisinde protoiyerey Adamğa ve diger dinlerniñ vekillerine Qırım ve Yalta tınçlığı içün dualarnı keçirmege muracaat ile bulundım. Kimse red etmedi. Şunıñ içün eminim ki, Yalta şüretine hızmet – emiyetlidir, ve şeerlilerniñ pak tüşünceleri mıtlaqa eyi neticelerge ketirir», – dedi Sergey Karnauh.

Yalta şeer başı vazifelerini eda etken Sergey Karnauh şunı da qayd etti ki, bu sene Şeer Künü, evel Rusiye Künü qayd etilgeni kibi, havfsızlıq qaideleri boyunca keçirilecek. Yani, cam savutta olğan içki satuvı yasaq etilecek, tedbirler ise sarılğan territoriyada ötkerilecek.

Bunıñ ile Şeer Künündе Yaltada soqaqlar yerli «politsiya» tarafından nezaret etilecek. Yalta merkezinde MÇS ve «acele yardım» maşinaları turacaq.

XS
SM
MD
LG