PAO «Ukrtelekom» matbuat hızmetinde Qırımda «177» malümat hızmetiniñ çalışmağanı aqqında malümatnı tasdiqlamadılar. Şirkette qayd etilgeni kibi, Qırım bölüginiñ servisi yarımadada işlemege toqtamay.
Aynı zamanda mında Qırım müşterileri malümat hızmetine irişip olamağanı tehnikiy sebepler ile bağlı ola bilgenini da red etmeyler.
«İrişüv ile bir de bir problemler olğan edi, belki. Amma servis çalışa edi ve çalışmağa devam ete»,– deyler Qırım.Aqiqat mühbirine PAO «Ukrtelekom» matbuat hızmetinde.
Şirkette «Ukrtelekom»nıñ operatorlarından birisiniñ «177» hızmeti endiden şirketniñ kontakt-merkeziniñ vazifesi olğanı aqqında sözlerini red eteler.
Avgust 8 kününe «177» malümat hızmeti Qırımda, aqiqaten, çalışa. Qırım müşterilerine borc miqdarını alâ daa grivna para birleminde aytalar.
Aynı zamanda, qırım müşterilerniñ sözlerine köre, bir kün evelsi malümat hızmetine irişmege imkânsız edi.
