Link açıqlığı

Qırımda noyabr 1-ne rayon memuriyetleri, şeer şuraları ve şeer yolbaşçıları vekâletsiz qalacaq


İşğal etilgen Qırımda yaqın zamanda rayon memuriyetleri ve qasaba şuraları yoq olacaq: avgust 8 künü Qırımnıñ «Şeer şurasınıñ» toplaşuvında «Qırım Cumhuriyetiniñ yerli idare negizleri aqqında» qanunnı qabul ettiler. Oña köre, bugün çalışqan Qırımnıñ yerli idare organlarnıñ vekâletleri yañı saylanğan temsiliy organlarnıñ ilk sessiyalarından başlap toqtatılacaq.

Qırımnıñ öz başına tayin etilgen akimiyetiniñ «ruporı» «Krıminform» saytınıñ malümatına köre, yañı qanunğa binayen, kene saylanğan temsiliy organlarnıñ vekâletleri birinci sessiyanıñ açıluvından başlanacaq.

Böyleliknen, şeer, rayon, qasaba ve köy şuralarnıñ, em de şeer, qasaba ve köy yolbaşçılarınıñ vekâletleri toqtatılacaq.

Evel qayd etilgeni kibi, Rusiye tarafından işğal etilgen Qırımda sentâbr 14 künü Qırımnıñ «Devlet Şurasına» saylavlar olıp keçecek.

XS
SM
MD
LG