Rusiye naqliyat nazirligi Türkmenistanğa onıñ paromlarnıñ Keriç keçitinde qullanuv imkâniyetini ögrenmege teklif etti.
Bunı Rusiye naqliyat nazirligi bildire.
Müessiseniñ malümatına köre, Rusiye Federatsiyasınıñ naqliyat naziri Maksim Sokolov Türkmenistan deñiz ve özen naqliyatınıñ Devlet hızmetiniñ reisi Rustam Kutlıyev ile cuma künü Astrahande körüşti.
«Rusiye tarafı Qırımda ve Keriç paromlı keçitinde yük ve yolcu taşuvlarnıñ hızmeti içün türkmen paromlarnıñ qullanuv imkâniyetini ögrenmege teklif etti», – denile beyanatta.
Rusiyeniñ Qırım işğalinden soñ Keriç keçitinde er künü biñlernen maşina nevbette tura.
