Kiyev merkezinde, Avropa meydanındaki «Ukrain evi» yanında patlav yüz berdi. Azatlıq Radiosınnı mühbiri bergen malümatına köre, eki insan yaralandı, olarnı acele yardım arabası alıp ketti.
Qaza yerinde uquq qoruyıcılar çalışa, meydan sarıp alınğan.
İçki işler naziriniñ muavini Mıkola Veliçkoviç yüz bergen vaqia bugünki Maydannı ğayrıdan teşkil etmek kerekligini tasdiqlay.
Militsiya «Ukrain evi» tarafına patlav aletini atqan adamnı endi yaqaladı.
Ukraina içki işler Nazirliginiñ malümatına binayen, belgisiz şahıs işhane müdirini qorquzıp, oña taba granatanı attı.
«Memur cinayetçiniñ niyetini añlap, onı vaqtında zararsız bir alğa ketirdi. Vaqia şaatları adamnı tutmağa yardım etip, acele yardımnı ve militsiyanı çağırdılar»,– dedi İçki işler naziriniñ muavini Mıkola Veliçkoviç.
