Link açıqlığı

Matbuat vastaları: Yalta Meclisi saylavlarda iştirak etecegi aqqında bildirdi


Yalta şeeriniñ Meclisi Qırım parlamenti ve yerli idare organlarına saylavlarnıñ keçirilmesine qol tuttı. Mütenasip qararnı Meclisniñ Yalta bölüginiñ azaları teşkilâtınıñ toplaşuvında aldılar, dep yaza «Yug Yalta» haber saytı.

«Biz nasıldır bir firqa ya da siyasiy areket içün teşviqat yürsetmeymiz, muayyen namzetke rey bermege çağırmaymız, em de öz vekillerimizni namzet olaraq köstermeymiz. Biz şunı bildirmege isteymiz ki, qırımtatar halqı, yarımdanıñ diger sakinleri kibi, regionımıznıñ taqdirinde iştirak etmeli», – dedi Yalta Meclisiniñ reisi Enver Ametov.

Böyle qarar, onıñ sözlerine köre, yarımadada milletlerara tınç munasebetlerniñ, adaletniñ pekitilmesine yol berir. O emindir, saylavlarnı boykot etmege ya da añlı sürette olarda iştirak etmemek – yañlıştır.

«Eger de biz öz başımızğa qırımtatar halqınıñ meselelerini kötermesek, bunı kimse etmez. Epimiz bir cemiyette yaşaymız ve onıñ vatandaşları olamız. Öz vatandaşlıq mevamıznı köstermelimiz, yani saylavlarda iştirak etmek kerekmiz»,– dedi Ametov.

Evel qırımtatar milliy Meclisi «Qırım Devlet Şurasına» saylavlarnı boykot etmege çağırdı.

«Qırım Cumhuriyetiniñ Devlet Şurasına» saylavlar sentâbr ayında keçirilmek kerek. Qırımnıñ öz başına tayin etilgen baş naziri Sergey Aksönov «Yedinaya Rosssiya» firqasınıñ regional bölüginiñ cedvelinde birinci yerde turmaqta. Cedvelniñ birinci beşligine Qırım «spikeri» Vladimir Konstantinov, qırımtatar milliy Meclis azası olğan «spiker muavini» Remzi İlyasоv da kirdiler.

XS
SM
MD
LG