Link açıqlığı

Ekspert: Ukrainanıñ yañı Anayasası Qırımnı qırımtatar halqınıñ muhtariyeti olaraq belgilemeli


Ukrainanıñ yañı Anayasasında Qırım yarımadası qırımtatar halqınıñ milliy territorial muhtariyeti olaraq belgilenmeli.

Bunı Kiyevde qırımtatarlarnıñ meseleleri boyunca tögerek masa devamında çetel işler Maydannıñ nezaret şurasınıñ reisi, Qırım ekspert merkezi idaresiniñ reisi Andriy Klimenko bildirdi.

«Bugün Ukrainanıñ yañı Anayasasınıñ teşkil, muzakere ve qabul etilmesi basamağında Ukraina içün tarihiy qarar alınmalı. Bizimce, Ukraina anayasasında Qırım Muhtar Cumhuriyeti – qırımtatar halqınıñ territorial muhtariyeti olaraq belgilenmeli», – dedi Klimenko.

Onıñ sözlerine köre, böyle noqta ekspert merkeziniñ Qırımnıñ Ukrainağa qaytarıluvı boyunca işlep çıqarğan strategiyasında yazıla.

Daa bir müim şey, tüşüne Klimenko, Ukraina prezidentiniñ Qırım nazirler Şurası faaliyetiniñ devam etecegi aqqında qararıdır.

«İşbu Nazirler Şurası böyle bir konstitutsiya olmalı ki, mında em işğalde qalğan, em köçip ketken qırımlılar ile iş alıp barılmaq kerek»,– dedi o.

Klimenko tüşüne ki, işbu organ işğal etilgen Qırımnıñ yanında olğan Herson vilâyetinde bulunmaq kerek. Ekspertniñ sözlerine köre, Nazirler Şurası yarımadanıñ Ukrainağa qaytarıluvı ile bağlı leyhalarnı amelge keçirmeli.

Evel qayd etilgeni kibi, Ukraina Nazirler Kabineti Qırım Muhtar Cumhuriyeti, Aqyar şeeri ve vaqtınca köçken şahıslarnıñ meseleleri boyunca Devlet hızmetini teşkil etti.

Devlet hızmeti icraiy akimiyetniñ merkeziy organı olaraq açıldı,onıñ faaliyetini ise Nazirler Kabineti idare etecek.

XS
SM
MD
LG