Link açıqlığı

Keriçte «politsiya hadimleri» litsenziyasız satılğan 59 litr içkini tutıp aldı


İşğal etilgen Keriçte yerli «politsiya hadimleri» qanunsız ticaret faaliyetni qayd ettiler. Bunı Qırım içki işler nazirliginiñ matbuat hızmeti bildirdi.

Bozuluvlarnı yoq etmek maqsadı ile keçirilgen teşkerüv neticesinde içki mahsulatnıñ litsenziyasız satuvı ile bağlı eki adiseni belgilediler.

Birinci adise Keriçniñ meyhanelerniñ birisinde qayd etildi, ekincisi – yerli mal tükânında.

«Resmiy şahıslarğa nisbeten RF Memuriy Bozuluvlar aqqında Kodeksiniñ 14.1 maddesiniñ 2-nci qısmına köre memuriy protokollar tizildi ve qanunsız sürette satılğan 59 litr içki tutıp alındı»,– dep qayd ettiler matbuat hızmetinde.

Qabaatlı olğanlarnı maliyeviy ceza bekley, memuriy malümatlar mahkemege berildi.

XS
SM
MD
LG