Link açıqlığı

İşğal etilgen Aqmescitniñ akimiyeti Ukraina cenübiy-şarqından köçip kelgenlerge er aylıq maliyeviy yardımnı bermege qarar aldı.

Mütenasip qarar şeer yolbaşçılığınıñ nevbetten tış sessiyasında alındı. Bu aqqında malümat şeer şurasınıñ saytında yerleşti.

Qararğa binayen, para Qırım paytahtında vaqtınca yaşağan ve qaçaq statusları olğan balalı ailelelerge ve ağır hastalıqları olğan vatandaşlarğa berilecek.

Er bir ailege 1,5 biñ ruble (500 grn) bermege vade eteler.

«Para büyük olmasa bile, insanlarğa qoşma hayriye yardım kösterile, Sankt-Peterburgdan ,misal içün, aqmescitliler de çette turmay. Şeerimiz Ukraina cenübiy-şarqiy şeerlerini terk etmege mecbur olğan insanlarğa yardım qolunı uzatmağa tırışa», – dep bildire Aqmescit şeer başı Viktor Ageyevniñ sözlerini onıñ matbuat hızmeti.

Evel bildirilgeni kibi, Qırım «akimiyeti» ATO zonasından Qırımğa kelgenlerni ukrain pasportlarnı FMH malümat kâğıtlarına deñiştirmege mecbur ete edi. Tek bu alda olar «devlet» yardımını köre bile ekenler. Şu sebepten Ukraina cenübiy-şarqında köçip kelgenler qayd etilmeyiр, şahsiy meselelerini öz başına çezmege qarar alalar.

XS
SM
MD
LG