Yuqarı sınıf talebeleri içün tarih derslerine qırımtatarlarnıñ sürgünligi aqqında tafsilâtlı malümatnı qoşacaq olalar. Şimdi 10-11 sınıf talebeleri içün yañı programma muzakere etile.
Bunı «Vesti» gazetası bildire.
Ukraina Tasil Nazirliginde aytılğanı kibi, muzakereler avgust 20 kününe qadar devam etecek, soñra bu teklifler Tasil Nazirliginiñ Eyyetine berilecek.
«Söz «Ulu Vatan Cenki» ıstılasınıñ «Ekinci cian cenki» ıstılasına deñiştirüv aqqında, Qırımdan qırımtatarlarnıñ, yunan ve ermenilerniñ sürgünligi, OUN-UPA, ukrain dissidentlerniñ faaliyeti aqqında malümatnıñ qoşuluvı aqqında kete.Bunıñ ile ocalar derslerde Maydanda olıp keçken adiseler aqqında tarif etecelker. ATO aqqında daa aytılmaycaq, çünki o daa bitmedi», – dediler neşirge nazirlikte.
Tarih derslikleri ğayrıdan basılmaycağını da qoşıp ayttılar.
«Bu er şey ocalarğa metodik tevsiyeler şeklinde berilecek. Yañı derslikler kelecek sene peyda ola bilecek. Eger de olarnıñ neşiri içün nasıldır bir neşriyat aqça berse, çünki bizde maliyeviy vasta şimdi yoq», – deyler mında.
Evel harkov faaliyetçileri sentâbr 1 künü ukrain talebelerine Qırım işğali aqqında tarif etilmesi içün imzalarnı toplay ediler.
