Link açıqlığı

Saatnıñ esas haberi

Kiyevde mütehassıslar qırımtatarlarnıñ meselelerini ve olarnıñ çezüv yollarını muzakere etecekler


Kiyevde, avgust 8 künü, Dünya tamır halqlarınıñ halqara künü arfesinde «Qırımtatarlar – Qırım/Ukrainanıñ tamır halqı» mevzusında tögerek masa ötkerilecek.

Bunı Qırım.Aqiqat saytına tögerek masa moderatorı, Pilip Orlık adına demokratiya İnstitutınıñ mütehassısı Natalya Belitser bildirdi.

Tebdirde qırımtatar halqınıñ yetekçisi, Ukraina halq deputatı Mustafa Cemilev, qırımtatar milliy Meclisiniñ reisi Refat Çubarov, Qırım ekspert merkeziniñ idare reisi Andriy Klimenko, Vatandaşlıq cemiyetniñ İnstitutı idaresiniñ reisi Rustem Ablâtifov iştirak etmeli.

«Tögerek masa «Ukrinform» haber agentliginde (B.Hmelnitskiy soqağı, 8/16) saat 11:00-13:00 arasında keçirilecek. Muzakere etilecek mevzular arasında bular belgilene – qırımtatarlarnıñ aqlarınıñ qoruv institutları olaraq milliy idare organları, qırımtatar halqınıñ statusınıñ belgilevi boyunca uquqiy teşebbüsler, halqara teşkilâtlarnıñ ve nezaret tertibatlarnıñ tevsiyeleri», – dep haber eteler teşkilâtçılar.

Avropa birligi ve «Vozrojdeniye» Halqara fondı destegi ile keçirilecek tedbirniñ teşkilâtçıları «Ayırımğa qarşılıq boyunca koalitsiya», İnsan aqları aqqında haber merkezi ve Qırım ekspert merkezi oldı.

XS
SM
MD
LG