Link açıqlığı

Saatnıñ esas haberi

Qırım memurları Rusiye Bayrağı Kününi «trikolor» ile qayd etecek olalar


İşğal etilgen Qırımda avgust 22 künü Rusiye Bayrağı Kününi qayd etecekler. Mütenasip qarar avgust 6 künü Qırımnıñ «Nazirler Şurası» toplaşuvında alındı.

Vesiqada qayd etilgeni kibi, tedbirer çerçivesinde Qırımda sergi, konferentsiya, sport yarışları teşkil etilecek. Bunıñ ile tanıştıruv numayışlarnı kitaphanelerde keçirecek olalar.

Rusiye Federatsâisınıñ Bayrağı Kününe işğal etilgen Qırımnıñ bütün şeеr ve köylerinde Rusiye bayraqlarınıñ sayısı arttırılacaq.

Rusiye Bayrağı Kününi avgust 22 künü qayd eteler, bu bayram Rusiye prezidentiniñ 1994 senesi avgust 20 künü alınğan fermanına binayen ilân etilgen.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, Ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG