Link açıqlığı

İşğal etilgen Qırım memurlarına ücüz maşinalarğa keçmege emir etildi


Qırım «nazirler şurası» «Qırım Cumhuriyetinde devlet akimiyet organlarınıñ keçindirüvine ayırılğan para miqdarı aqqında»qararnı qabul etti. Onıñ yardımı ile keçici müddet devamında regional bücet bir terptipke ketirilecek, dep bildirdi Qırımnıñ öz başına tayin etilgen baş naziri Sergey Aksönov.

Bunı Qırım «ükümetiniñ» matbuat hızmeti bildirdi.

«Qırım Cumhuriyetiniñ büceti esabına bir şey satın almaycaqmız. Bu qarar vastası ile keçici müddet devamında regional bücet bir terptipke ketirilecek Bütün memurlarğa orta sınıf maşinalarğa keçmege teklif etem. Bu adiy bir aldır», – dedi Aksönov.

İşbu vesiqağa köre, «Nazirler Şurasınıñ başı» ve «Devlet şurasınıñ spikeri» 900 biñ rubleden paalı olğan maşinalarnı qullanıp olamazlar

Bu memurlarnıñ iş odalarında mefruşatnıñ yañartıluvı 45 biñ rubleden paalı olmamalı. Olarnıñ muavinleri özlerine fiyatı 27 biñ ruble olğan mefruşatnı ala bileler.

28 biñ ruble şahsiy bilgisayarlarğa ayırılacaq.

«Akimiyet» organlarnıñ adiy hadimleriniñ iş yerlerine olacaq masraflar böyledir: yazuv masası 1,8 biñ rubledеn paalı olmaycaq, kâğıt içün dolap – 2,1 biñ ruble, yımşaq kreslo – 900 ruble, oturğıç – 450 ruble.

XS
SM
MD
LG