Link açıqlığı

İşğal etilgen Keriçte «Kiyevstar»şirketiniñ ofisinde avgust 6 künü uzun nevbetler tizildi.

Keriçliler «Kiyevstar» ağı Qırımda daa eñ azından bu yılnıñ soñuna qadar çalışacağına ümüt beslep, nomeralarnı özleri ve qorantaları içün satın alalar, dep haber ete Qırım.Aqiqat mühbiri.

«Men sim-kartalarnıñ üç satuv noqtasını dolanıp keçtim. Anda ya uzun nevbetler tura, ya da paketler endi yoq», – dedi «Kiyevstar» şirketinde nevbette turğan qız.

«Kiyevstar» operatorınıñ paketini 150 rubleden satın almaq mümkün. Şirketniñ yanında olğan tükânda «life» paketlerini 45 rubleden satın almağa mümkün, bunıñ ile müşterilerni esapqa doqsan ruble qoymağa mecbur eteler.

Ticariy noqtalarnıñ çoqusında avgust 6-da, kündüz, Rusiye sim-kartaları bitti. Krasnodar diyarınıñ kodı ile paketler Keriçte 50 ruble tura. Qırım.Aqiqat mühbiri tükânlardan birisinde 20 insandan ibaret olğan nevbetni qayd etti.

Avgust 6-da, saba, Qırım boyunca «MTS» ukrain operatornıñ bağı yoq oldı. Şirkette işbu söndürüv sebebini bilmey ekenler.

XS
SM
MD
LG