Link açıqlığı

Aqyarda FMH maqtağan Rusiye pasportlarını bir saat içinde berüv aktsiyası muvafaqiyetsiz oldı. Vesiqalarnı acele sürette berüv esnası büyük nevbetlerge çevirildi, aqyarlılar yarım kün devamında nevbetini bekleyler.

Qırım.Aqiqat mühbiriniñ malümatına köre, adamlar şeerniñ FMH saat 7-de kelip, nevbetke tizileler ve üyleden soñ vesiqalarnı teslim etmek içün odağa kireler. Çoqusı adamlar kendi iş vaqtını sarf etmege mecburlar.

Avgustnıñ 4-de Federal migratsion hızmeti Aqyarda sınav leyhasını – «Bir saat içinde pasport» – ilân etti. Berilgen malümatqa köre, adamlar blanklarnı toldurmaycaqlar – er şeyni tehnika yapacaq. Yalıñız kendi malümatını teşkerip, imza qoymaq ve Rusiye Federatsiyası vatandaşınıñ esas vesiqasını almaq kerek.

XS
SM
MD
LG