Daa bir Rusiye turistik şirketi – «Nordik Star» – müşteriler ögünde vazifelerni yerine ketirmege imkânları olmağanından sebep faaliyet toqtatılması aqqında ilân etti, dep haber etti Azatlıq Radiosı.
«Nordik Star» Peterburgda 2001 senesinden berli çalışa ve Baltiya memleketleri ve Skandinaviya ziyaretlerinen oğraşa.
Keçken ay devamında Rusiyeniñ altı turistik şirketi faaliyetini toqtattı. Birinci, iyül soñunda, «Neva» şirketi iş toqtatılmasını ilân etti. Moskvanıñ Yeller gülü «Barışıq» ve «Ekspo-tur» Peterburg turistik operatorı işini toqtattılar. Bundan ğayrı, «İdeal-tur» şirketinde problemler bar olğanı aqqında belli oldı.
Tünevin «İntaer» şirketler taqımı müşteriler ögünde vazifeler eda etilmesinden vazgeçti. Neticede aman-aman 25 biñ Rusiye turisti zarar kördi. Bunıñ sebepleri olaraq şirketler siyasiy vaziyetni, çetel para fiyatınıñ artmasını, çeşit arbiy hızmetler hadimlerine çetelgen ketmemek tevsiyelerni seslendireler.
