Poloniya baş naziri Donald Tusk bildire ki, Rusiyeniñ Ukrainağa qarşı arbiy istilâsınıñ havfı «eki kün evelsi olğan derecege köre, arta». Tusk avgustnıñ 6-da Varşavada bergen malümatına köre, «soñki saatlerde» o bunı tasdıqlağan malümatnı aldı, dep haber ete Azatlıq Radiosı.
Tusknıñ aytqanına köre, Ukrainada zıddiyet daa da ciddiy olacağına azır olmaq kerek.
Ukraina milliy havfsızlıq ve mudafaa Şurasınıñ malümatına köre, Rusiye Ukraina ile sıñırda aman-aman 45 biñ askerni topladı.
Avgustnıñ 4-de Moskva arbiy talimler başlanmasını ilân etti.
BMT dey ki, Ukraina şarqında, Lugansk ve Donetsk civarında, gumanitar buhran kerginleşe.
BMT Rusiye elçisi Vitaliy Çurkin bildirdi ki, Moskva bu şeerlerniñ ealilerine gumanitar konvoynı yollaycaq ola.
