Link açıqlığı

Matbuat vastaları: işğal etilgen Aqmescitniñ şeer başı muavini Meclis azası olacaq


Qırımtatar milliy Meclisniñ adliye idaresiniñ yolbaşçısı Teyfuk Gafarov Aqmescit şeer başı muavini vazifesine tayin etilecek, dep bildire «15 minut» saytı.

Neşirniñ malümatına köre, bu vazifege Gafarovnı yarın, avgust 6 künü, Aqmescit şeer şurasınıñ nevbetten tış 88-nci sessiyasında tayin etecekler.

Yañı şeer başı muavininiñ tayinlevi şeer şurası saytında aşkâr etilgen kün tertibinde birinci nevbette tura.

Şeer başı Viktor Ageyevniñ tarafından kirsetilgen şeer şurasınıñ qarar leyhasına köre, Gafarov şuranıñ icraiy organlarnıñ faaliyetiniñ sualleri boyunca şeer başı muavini vazifesini «vaqtınca, Aqmescit şeerinde Rusiye Federatsiyasınıñ qanunlarına ve Qırım Cumhuriyetiniñ uquqiy aktlarına köre, yerli idare organlarnıñ teşkil etilmesiniñ bitmesine qadar» eda etecek.

Yañı şeer başı muavinine aylıq cedvelde olğanı kibi tolenilecek. Bunıñ ile müim işlerniñ becerilmesi içün 100% mukâfat berilecek eken.

Teyfuk Gafarovnıñ özü ise öz kelecek tayinlenüvini izaatlamağa azır degil. «Yarın, saat 13:00 soñ, bütün sualleriñizge cevap bererim», – dedi o.

İşbu haberni qırımtatar milliy Meclis reisi Refat Çubarov da izaatlamadı. O tek şunı bildirdi ki, Gafarovnıñ tayinlevi qırımtatarlarnıñ temsiliy organı ile muzakere etilmedi.

XS
SM
MD
LG