Link açıqlığı

Saatnıñ esas haberi

İşğal etilgen Qırım mekteplerine 6 künlük oquv aftasnı kirsetecek olalar


İşğal etilgen Qırımnıñ «Tasil, ilim ve gençlik Nazirligi» umumtasil mektepleriniñ yuqarı sınıf talebeleri içün altı künlük oquv aftasını kirsetmege teklif etti.

Bunı bugün Aqmescitte matbuat-konferentsiyası devamında Qırımnıñ «Tasil, ilim ve gençlik naziri» Natalya Gonçarova bildirdi, dep haber ete e-Krım.

Onıñ sözlerine binayen, oqutuv şekili mektepler tarafından belgilenecek. Mektep yolbaşçılığı beş ve altı künlük oquv tarzını özü seçecek. «Nazirniñ» fikrine köre, beş künlük aftanı tek başlanğıç sınıflarda qaldırmağa kerek, yuqarı sınıflarda ise mıtlaqa altı künlük oquv aftası olmalı.

Gonçarova şunı da qayd etti ki, on ve on birinci sınıflarda Yekâne devlet imtianğa azırlanuvğa ayırıca diqqat ayırılmalı.

Ders ve teneffüslerniñ devamı evel olğanı kibi qalacaq. Dersler 45 daqiqa, büyük teneffüs ise 20 daqiqa olacaq.

XS
SM
MD
LG