Link açıqlığı

Şeerniñ qapatıluvı aqqında sualni sessiya toplaşuvında kötergen Aqyar deputatları işbu mesele boyunca referendumnı keçirmege isteyler, dep bildire Sevastopolskiye novosti neşiri.

Şu cümleden, İvan Yermakov «Narodnıy kanal» efirinde öz zenaatdaşı Vasiliy Parhomenko ile referendum keçirmege istegini bildirdi. Mında Aqyar sakinleri şeerniñ qapatuvına munasebetini belgileycekler.

Deputatnıñ sözlerine köre, olar beyanname-anketalarnı azırladılar. Anketalarda Aqyarda yaşamağan insanlarnıñ şeerge kirişlerini sıñırlamaq teklifke «razım» ve «razı degilim» cevaplar olacaq.

İvan Yermakov şunı da bildirdi ki, eger de buña 50 biñ insan qol tutsa, sualni kene de Qanun çıqarıcı meclisniñ sessiya toplaşuvında baqacaqlar. Soñra ise Rusiye Federatsiyası ükümetine yollaycaqlar. Anda ise, İvan Yermakovnıñ sözlerine köre, Aqyar sakinleri ve deputatlarnıñ teşebbüsi ile ne yapmaqnı bileler.

Hatırlatamız. Aqyarnı «ğarbiy cemaatnıñ istilâsı» ve tariklerniñ ögüni almaq içün qapatmağa isteyler.

Faqat bu qararğa 42 deputattan tek 10 insan qol tuttı.

XS
SM
MD
LG