Link açıqlığı

Malaysia Airlines uçağınıñ felâketinde elâk olğanlarnı dua ile añdılar


«İslâm nurı» Dnepropetrovsk musulman cemiyeti ve «Kiyevdeki Qırım Cemiyeti»niñ vekilleri «Al-Mustakbal» İslâm medeniy merkeziniñ azaları ile iyül 17 künü Malaysia Airlines şirketiniñ yolcu uçağı felâketinde elâk olğan musulmanlarnıñ hatırasına dua ve cenaze merasimini keçirdiler.

Bunı Qırım Cemiyetiniñ Facebook saifesinde bildireler.

Elâk olğan 298 yolcudan 43 insan – Malaysia, daa 12 – Indonesia vatandaşı edi. Yolcularnıñ diniy mensüpligi belli degil. Amma Malaysia sakinleriniñ 2/3 qısmı özlerini musulman olaraq tanıtalar – dep bildire The Wall Street Journal internet-neşiri. Resmiy malümatqa köre, Indonesia sakinleriniñ 88% da musulmandır.

Vefat etkenlerniñ qorantalarına taziyeler bildirildi.

XS
SM
MD
LG