Link açıqlığı

Aqmescitte bir qaç adiseniñ şaatı oldım. İşanmazsıñız, episi yaqında olıp keçti.

Demek, aphanege kirdim. Özüme askorbinka almağa istedim. Tamağıñ ağırtıp başladımı – bu, yardım etecek birinci ilâc. Eki kere içseñ, bütün ağrılar keçe. Kreml qoqlalarından da bir ilâc olsa edi. İçesiñ – terroristler ğayıp ola. Daa bir kere ağzına qoyasıñ – grad ve buk silâları yoq ola. Üçünci kere içseñ – kreml de yer tübüne kire!

İlâcnı alam, «Stirol» degen aplarnı sorayım. Satıca – ketirmeyler, dey. Tünevin tek ukrain aplarnı sorağanım içün, bugün olğan şeyni qıdırıp başladı. Revit adlı ilâcnı taptı, o da duşmanlarınki. Men tüşünip: «Beriñiz. Ep bir ukrain ilâcları yaqında olmaz. Er yerde şu maraz Rusiye olacaq. O vaqıt bağırıp «Evgeyeyeye» dep ağlanırmız», dedim.

Satıcı da o yaq, bu yaq baqıp, dedi: «Biz endi çoqtan ağlanamız. Bam-başqa şeyler vade etken ediler. Ukraina bizni tezcerek qaytarsa edi. Biz pek yañlıştıq!».

Ekinci kere şeerniñ merkezinde başqa ilâchanege qızıma öksürükten ilâc almağa kirdim.

Özüm ve qızım içün ilâc soradım. Bir şeyler qarıştırıp, berdi. 1000 ruble soradı. Men şaşıp qaldım. «Sizde tek nefaqacılar ilâc satın ala bileler. Olar şimdi zengin. Nefaqalarnı 3 kerege köterdiler. Özlerine 3 qat ilâc alıp olalar!» Qız da maña: «Olar nasıl etip bazarlıq yapqanını bilesizmi? Olarnıñ nefaqaları ücüz mahsulatlarnı ve aspirinni satın almağa yetişmey, dep aytalar. Nefaqalarnı 3 kerege kötergenler. Ayat ta eki qat ağır oldı. Evelden grivnağa daa çoq şey alıp olğanlar. Şimdi rublege bir şey alalmaylar».

Ve üçünci ikâye. Menim ile olğan şey degil, amma ep bir yazacam, onı pek begendim.

«Selâm aleyküm, Liza! İyünde qorаntamnen Mishordaki evimizde raatlandıq (özümiz Kiyevde yaşaymız). Apayımnen beraber yaşağanımızğa 20 yıl tolğanı munasebetnen aqşam qavehanege bardıq. Anda baqsam, adam az. Oyunlar meydançığı da boş. Çalğıcılarnıñ yanına barıp, 300 rubleni qoyam ve «Çervona ruta»nı sımarlayım. İlki saniyelerden meydançıq toldı, adamlar yaladan da keldi, toplaşqanlar bar sesnen yırladılar, ta çalğıcılarnıñ sesleri eşitilmedi. Çalğıcılar da, bunı körip, daa 40 daqiqa ukrain yırlarını çala berdiler. Bundan soñ – kelgenler daa bir qaç saat ukrain tilinde yırladılar».

Liza Bogutski, Qırımdan ukrainli, etnik rus jidobanderovka

«Bloglar» rubrikasında bildirilgen tüşünceler müelliflerniñ noqtai nazarını bildirip, muarririyetnen aynı olmaması mümkün

XS
SM
MD
LG