Ukraina Nazirler Kabineti İşğal etilgеn Qırım, Aqyar şeeri ve vaqtınca köçip kelgen insanlarnıñ meseleleri boyuca Delvet hızmetini teşkil etti.
Mütenasip №297 qarar ukrain ükümetiniñ saytında avgust 5 künü aşkâr etildi.
Devlet hızmeti icraiy akimiyetiniñ merkeziy organı olaraq teşkil etildi, onıñ faaliyeti Nazirler kabineti tarafından idare etilecek.
Maliye nazirligine devlet bücetine deñişüvlerni kirsetkende, işbu organnıñ faaliyetine masraflarnı nazarda tutmağa avale etildi.
Devlet hızmetiniñ idarecisi tayin etilgeninden soñ, eki afta içinde Nazirler Kabinetine Devlet hızmeti aqqında malümat ve qararlarnı teslim etmege vazife berildi.
Evel cemaatçılar Kiyevde Qırım işleri boyunca Nazirlikniñ peyda oluv zaruriyeti boyunca tögerek masanı keçirgen ediler. Onıñ yolbaşısı vazifesine «Avromaydan-Qırım» iştirakçisi Anatoliy Kovalskiyni, ya da qırımtatar milliy Meclis reisi Refat Çubarovnı tayin etmege teklif ettiler.
