Link açıqlığı

Polonskiy: 48 saat devamında «MTS-Ukraina» bağnı bütün Qırımda söndürecek


MTS-Ukraina bağnıñ operatorı ağnı Aqmescitte söndürdi ve 48 saat içinde Qırımnıñ diger regionlarında da söndürir.

Bunı Qırım akimiyetiniñ öz başına tayin etilgen akimiyetiniñ ruporı Krıminform saytına Qırımnıñ «baş nazir muavini – içki siyaset, haber ve bağ naziri» Dmitriy Polonskiy bildirdi.

«Bağ ket-kete söndürilecek, şimdi Aqmescit. Eki kün içinde «MTS-Ukraina» bütün bağnı söndürir», – dedi o.

Polonskiy diger operatorlarnıñ işi aqqında malümat olmağanını bildirdi.

«Şirketlerniñ hadimlerinden farqlı malümat bar edi, em de o, añlaşılğan sebeplerden, resmiy malümattan farqlana bile», – dedi o.

Baş nazir muavini şunı da hatırlattı ki, bu cumaertesi künü o, qırımlılarnı söndürüv aqqında haberdar etip, Rusiye operatorınıñ kartasını almağa çağırğan edi.

O, Qırım sakinlerini kene de bağlarnı deñiştirmege çağırdı.

«Kene de vatandaşlarnı tenbiyeleymiz ve bunı añlamağa rica etemiz. Qırım Cumhuriyetiniñ iradesi degil. Qırım başı vazifelerini eda etken Sergey Aksönov yaqında bunı aytqan edi – Qırımda şaraitler em Rusiye, em Ukraina operatorları içün olacaq. Amma bu kibi maqul munasebet zemaneviy Ukrainada çalışmay. Qırımğa nisbeten aqıl-feraset qullanılmay»,– dedi o.

Saba, avgust 5 künü, işğal etilgen Aqmescitte «MTS-Ukraina»müşterileri bağsız qaldı. Qırımnıñ diger regionlarında bağ da bar.

XS
SM
MD
LG