Qırım musulmanlarını Rusiyede yasaq olğan edebiyat aqqında tenbiyeleyler. İşğal şaraitte işbu yasaq yarımadağa da tarqala.
Bu aqta Qırım musulmanları diniy idaresininiñ beyanatında aytıla.
«Qırım musulmanları diniy idaresi musulman diniy teşkilâtlarnıñ, dincilerniñ, musulman cemiyetiniñ diqqatını Qırımğa Yasaq olğan malümatnıñ federal cedveli tarqatılğanına celp etmege istey. Cedvelge kirsetilgen malümatnıñ tarqatıluvı, basıluvı ve saqlanuvı yasaqtır», – deyler QMDİde.
Qırım musulmanlarını yasaq olğan edebiyat cevdvelini ögrenmege ve işbu malümatlardan vazgeçüv yolunı tüşünmege çağıralar
Soñunda ise Qırım müftiyatı tarafından işbu cedvelden seçip alınğan malümatlarnıñ cedveli berile. Cedvelde 75 noqta bar, olarnı Müftiyatnıñ saytında körmege mümkün.
