Aqyar şeeri boyunca Federal migratsion hızmetiniñ İdaresi küzde Rusiye çetel pasportlarınıñ resmiyleştirilmesi içün vesiqalarnı qabul etip başlaycaq, dep yaza «Sevastopolskiye novosti» yerli neşiri.
Bunı Rusiyeniñ Aqyar şeeri boyunca FMHİ yolbaşçısı Oleg Kozüra bildirdi.
Onıñ aytqanına köre, vesiqalar berilmesi içün tehnika ve binalar azırlanıla.
«Çetel pasportlarnı berüv dört noqtası çalışacaq ve bir danesi rayonlarğa qatnaycaq», – dep ayttı Oleg Kozüra.
Pasport içün vesiqalarnı tahminen 2014 senesi sentâbr ayında qabul etip başlaycaqlar.
Qırımlılar içün işbu hızmet bedava olacaqmı-yoqmı belli degil.
Avgustnıñ 4-de Rusiye Federal migratsion hızmetiniñ Aqyar bölügi «Bir saat içinde pasport» aktsiyasını keçirdi.
