Link açıqlığı

Donbassta tüşken «Boing» qurbanlarınıñ şahsiy eşyaları ile uçaq Felemenkke yol aldı


Ukraina şarqında qazağa oğrağan «Boing» yolcularınıñ şahsiy eşyaları ile uçaq Harkovdan Felemenkke yol aldı.

Bunı uçaq qazasını taqiq etken komissiyanıñ matbuat hızmeti bildirdi, dep haber ete Azatlıq Radiosı.

Uçaqta vaqia yerinde tapılğan cesed parçaları ve DNK materialları da buluna. Eñ yaqın vaqıtta elâk olğanlarnıñ eşyaları ile daa bir qaç uçaq Felemenkke yollanılacaq.

Qıdıruv işlerinen oğraşqan halqara gruppanıñ yolbaşçısı bildirdi ki, soñki künler devamında politsiya hadimleri ve ekspertler tahminen altı kvadrat kilometrlik meydannı baqıp çıqtılar.

Hatırlatamız, iyülniñ 17-de Donetsk civarında Malayziya ava yollarınıñ «Boing 777» uçağı tüşürildi.

XS
SM
MD
LG