Qırımnıñ RTPTs-niñ Çernomorskaya TRK-na olğan davanı mahkemeniñ birinci basamağında bile baqılmadı. Amma buña baqmadan, bungun telekompaniyanıñ bütün mülki apis etildi. Bunıñ ile onıñ işi de toqtatıldı, dep bildirdi telekompaniya prezidentiniñ vazifelerini eda etken Lüdmila Juravlöva, dep haber ete Tsentr jurnalistskih rassledovaniy
Onıñ sözlerine köre, RTPTsniñ davası avgust ortasında baqılacaq. Bugün olğan vaqia daa baqılmağan davanıñ temini boyunca keçirildi.
«Bizde RTPTs ile mahkeme işi bar. Amma onıñ ile bağlı daa iç bir qarar alınmadı. Mahkeme tek avgustnıñ ortasında olacaq. Bugünki vaqia borcnıñ saqlanuvı aqqında davanıñ temini boyunca qarardır. Yani biz mahkemede qazanmasaq, borclarnı ödemege imkânımız olur», – dedi Juravleva.
O şunı da bildirdi ki, ÇTRK-niñ RTPTs-ne qarşı davası bar eken.
