Link açıqlığı

Saatnıñ esas haberi

Qırımda deñizde yuvunğan vaqıtta Rusiyeli senator elâk oldı


Magadan vilâyetinden Federatsiya Şurasınıñ azası Vladimir Kulakov bugün Qırımda qaza neticesinde elâk oldı.

İTAR-TASS bildirgeni kibi, parlamentariy Aluşta civarında raatlana edi.

Rusiye Taqiqat komitetiniñ resmiy temsilcisi Vladimir Markinniñ sözlerine köre, deñizde yuvunğanda, Kulakovğa yanından keçken kater tiydi.

Qıdıruv-qurtaruv ameliyatı devamınada onıñ ceseti tapıldı. Yuvunğan senatorğa tiygen kater ziddiyetten soñ deñizde gizlenmege tırıştı, amma onı tuttılar.

«Şimdi katerniñ idarecisi, vaqianıñ şaraitleri ögrenile», – dep qayd etti Markin.

İşbu vaqia boyunca «Muqaytsızlıq sebebinden ketirilgen ölüm» maddesi boyunca cinaiy iş açıldı.

XS
SM
MD
LG