Link açıqlığı

Cuma künü, avgust 1-de, Aqmescit-Moskva treni Aqmescit vokzalınıñ platformasından yollanıldı. Onı Qırım «parlamenti», «ükümeti» ve şeer yolbaşçılığınıñ vekilleri «Slavân qızınıñ sağlıqlaşuvı» marşı ile ozğardılar.

Bunı Aqmescit şeer şurası saytında bildireler.

«Endi biz yolcularnıñ havfsızlığını kefil ete bilemiz. Bugün biz qıtaiy Rusiye ve Moskva ile daimiy naqliyat yolunı açamız. Aqmescit vatanımıznıñ diger şeerleri ile demir yol bağı ile bağlanılacağına inanamız», – dedi Qırım «baş nazir muavini» Dmitriy Polonskiy.

Qırım demir yolunıñ «başı vazifelerini eda etken» Andrey Karakulkinniñ sözlerine köre, trenge tahminen 200 bilet satıldı.

№562/561 Aqmescit-Moskva treni er kün Qırım paytahtından Keriç keçitinden yol alacaq ve Moskvanıñ Qazan vokzalına kelecek. Aqmescitte yol vaqtı 46 saat 23 daqiqanı qaplap alacaq, Moskvadan – 44 saat.

XS
SM
MD
LG