Link açıqlığı

Ufaq para qıtlığı sebebinden «Krımtrolleybus» yol parasını eksilte


Avgust 1-den «Krımtrolleybus» Qırım cumhuriyet istisal şirketi Аqmescit boyunca yol parasını 5 rubleden 4 ruble 25 kapikke eksiltti. Sebep – ufaq para qıtlığı.

Yañı fiyatlar aqqında malümat talonlarnıñ satuv kiosklarında asılı.

«Sayğılı yolcular» 2014 senesi avgust 1-den şeer elektronaqliyatta yol parası 4 ruble 25 kapik tura. Şeer civarı yürüş yolunda – 6 ruble 70 kapik. 1, 5, 10, 50 kapiklerniñ qıtlığı sebebinden 4 biletni 17 rubleden almağa mümkün olur. Qolaysızlıqlar içün afu soraymız»,– dep bildire ilânnı Qırımnıñ öz başına ilân etilgen akimiyetiniñ ruporı «Krıminform» saytı.

Şirkette añlatqanları kibi, işbu qarar Qırımda ufaq para olmağanından alındı.

«Qırımda ufaq para yoq, Aydavcılarda da qaytımnı bermek çün ufaq para yoqtır, eger de biz qoşma olaraq konduktorlarnı qabul etecek olsaq, aylıqlarnıñ tölenüvine masraflar artacaq. Şirket ziyan körecek. Şunıñ içün aydavcılar birden qaytımnı bersin dep, böyle qarar alındı», – dep bildireler «Krımtrolleybus»ta.

Yañı fiyatlarnıñ olacaq müddeti belgisiz.

XS
SM
MD
LG