Link açıqlığı

Ukraina Yuqarı Şurasınıñ deputatlarını işğal etilgen Qırım sakinleriniñ ukrain pasportlarınıñ qullanuv müddetiniñ uzatuvı aqqında leyhağa qol tutmağa rica eteler.

Bu kibi çağıruv ile parlamentariylerge Qırım ekspert merkezi muracaat etti, dep bildire UNN.

Qarar yarımadada yaşağan ve vaqtında fotosüretlerini deñiştirip olamağan ukrain vatandaşlarına ait.

Yuqarı Şurada Ukraina Yuqarı Şurasınıñ Qararına deñişüvlerniñ kirsetilüvi aqqında № 4396 qarar leyhası qayd etildi. «Ukraina vatandaşı pasportı ve çetelge barmaq içün Ukraina vatandaşınıñ pasportı aqqında qaideleriniñ tasdiqlanuvı aqqında».

«Ukrain qanunarına binayen, Ukraina vatandaşı 25ve 45 yaşına kelip, fotosüretini vaqıtnda deñiştirmese, pasport artıq aqiqiy sayılmaz. Halq deputatlarnıñ bu teşebbüsi Rusiye vatandaşlığından vazgeçken 3 biñden ziyade qırımlı içün faydalıdır», – dep qayd eteler Qırım ekspert merkezinde.

Böyle alda, Qırımda yaşağan ukrain vatandaşları ola bilecek zorluqlarğa rastkelmeycek ve Rusiye vatandaşlığını qabul etmege mecbur olmaycaq.

XS
SM
MD
LG