İşğal etilgen Qırımnıñ orman ve av hocalığı boyunca «Devlet komiteti» yarımdanıñ tabiat-orman obyektleriniñ ziyareti içün ödevni belgiledi.
Bunı müessiseniñ yolbaşçısı İvan Magda iyül 31 künü Aqmescitte keçirilgen matbuat konferentsiyası devamında bildirdi, dep haber ete Qırım.Aqiqat mühbiri.
«Faaliyet kene başlandı, evelden ise bütün zaruriy vesiqalar toplanıla edi», – dedi Magda.
O, obyektlerniñ cedveli müessiseniñ resmiy saytında olğanını bildirdi. Bunıñ ile bazı vatandaşlar obyektlerni bedava ziyaret etecek ola. Olarnıñ sırasına Ulu Vatan Cenkiniñ veteranları, ÇAES qazasınıñ aqibetlerini yoq etkenler, yarımadanıñ nasıldır bir rayonınıñ yerli sakinleri kire.
Bunıñ ile Magda işbu faaliyetni amelge keçirgen adamnıñ hızmet şeadetnamesini, çek ya da talonnı talap etmege teklif etti.
«İylekârlar bar olğanı sır degil, bu kibi insanlarnı defalarca tutqan ediler. Kamuflâjnı satın alıp, qanunsız faaliyetni keçirmege qıyın degil», – dedi o.
Evel Qırım «akimiyeti» yarımadanıñ qoruq ve bağçalarınıñ ziyareti bedava olğanını bildire edi.
