Link açıqlığı

İşğal etilgen Qırımğa «Kavkaz» limanından yarım milliondan ziyade insan keçirildi


İyülde «Kavkaz» ve «Qırım» limanları arasında yürgen paromlarnıñ hızmeti ile yarım milliondan ziyade insan faydalandı, dep bildireler Yekâne naqliyat müdirliginde.

«İyün ayına baqqanda, yolcu aqımı 200 biñ insanğa arttı. Paromlar ile eki tarafqa eki biñden ziyade sefer yapıldı. 535 biñ yolcu, 93 biñ yengil maşina, 3 biñ avtobus ve 700 mototsikl keçirildi», – deyler müessisede.

Mında şunı da qayd ettiler ki, qoşma altıncı parom kirsetilgeninden soñ, Krasnodar diyarında keçit kirişinde kerginlik eksiltildi. «Kavkaz» limanı tarafından beklev vaqtı 4-5 saatqa tüşti.

«Qırım» limanı tarafından tıqanıqlıq yoq edi, amma avgust 5-10 künlerinden başlap, Qırımdan yolcularnıñ kütleviy aqımını bekleymiz, turistler tatillerden qaytacaq», – deyler müdirlikte.

«Yekâne bilet» boyunca, yani nevbetsiz, mayıs ayından keçitten 143 biñden ziyade insan keçti.

XS
SM
MD
LG